İyunun 4-də Kənd Təsərrüfatı Nazirliyi tərəfindən Nərimanov rayonu ərazisində, metronun “Gənclik” stansiyasının çıxışında “Kənddən Şəhərə” həftəsonu yarmarkası təşkil olunub.
×
İyunun 4-də Kənd Təsərrüfatı Nazirliyi tərəfindən Nərimanov rayonu ərazisində, metronun “Gənclik” stansiyasının çıxışında “Kənddən Şəhərə” həftəsonu yarmarkası təşkil olunub.
AZƏRTAC xəbər verir ki, “Kənddən Şəhərə” həftəsonu yarmarkalarının təşkilində əsas məqsəd yerli fermer təsərrüfatları üçün alternativ satış kanalı yaratmaq, eyni zamanda şəhər sakinlərini təbii, mövsümi və sağlam kənd məhsulları ilə dolğun şəkildə təmin etməkdir.
Satışa çıxarılan məhsulların keyfiyyətinə nəzarət etmək məqsədilə yarmarkalarda Azərbaycan Qida Təhlükəsizliyi Agentliyinin Səyyar Qida Laboratoriyası fəaliyyət göstərir. Vətəndaşlar yarmarkada satışa çıxarılan hər hansı məhsulun keyfiyyət göstəricilərini öyrənmək üçün laboratoriyanın xidmətlərindən faydalana bilərlər.