Bu ilin ilk 6 ayında ölkədə tədiyə balansı qlobal mühitdə baş verən proseslərdən çox təsirlənib. Cari əməliyyatlar balansında 4,7 milyard dollar, yaxud ümumi daxili məhsulun (ÜDM) 12,4 faizi həcmində profisit yaranıb.

AZƏRTAC xəbər verir ki, bu barədə Azərbaycan Mərkəzi Bankının (AMB) Statistika departamentinin direktoru Samir Nəsirov altı ayın yekunları ilə bağlı tədiyə hesabatının açıqlanmasına dair brifinqdə deyib.

O bildirib ki, bu göstərici ötən ilin müvafiq dövrü ilə müqayisədə 2 dəfə çoxdur.