Dövlət Sosial Müdafiə Fondunun gəlirlərinin 4580,5 milyon manatını məcburi dövlət sosial sığorta haqlarından daxilolmalar təşkil edir. Bu, ötən ilə nisbətən 19.1 faiz və ya 733.2 milyon manat çoxdur.

AZƏRTAC xəbər verir ki, bunu Dövlət Sosial Müdafiə Fondu İdarə Heyətinin sədri Himalay Məmişov 2022-ci ilin yekunlarına dair mətbuat konfransında deyib.

H.Məmişovun sözlərinə görə, həmin vəsaitin 1 milyard 695 milyon manatı büdcə təşkilatlarından, 2 milyard 885 milyon manatı isə qeyri-büdcə təşkilatlarından daxilolmaların payına düşür.