44 günlük Vətən müharibəsi zamanı torpaqlarımızın alınması xəbərini eşidəndə həyəcandan ağlamışdım. Eyni hissləri Laçının da azad edilməsi xəbərini eşidəndə yaşadıq. Vətən uğrunda canını fəda edənlərin qanı yerdə qalmadı, Allah şəhidlərimizə rəhmət etsin.

AZƏRTAC xəbər verir ki, bu sözləri jurnalistlərə müsahibəsində Laçına qayıdan sakin Bəsdi Hacıyeva söyləyib.

28 yaşında Laçından çıxdığını xatırladan Bəsdi Hacıyeva deyib: “59 yaşımda artıq öz doğma yurda qayıtmağın sevincini yaşayıram”.