Azərbaycan Avtomobil Yolları Dövlət Agentliyi (AAYDA) tərəfindən ötən il 728,3 kilometr uzunluğunda avtomobil yolları, prospekt və küçələr tikilib, yenidən qurulub və təmir olunub.

AZƏRTAC xəbər verir ki, bu barədə AAYDA-nın İdarə Heyətinin sədri Saleh Məmmədov deyib.

S.Məmmədov bildirilib ki, bura 128,4 kilometr uzunluğunda respublika əhəmiyyətli, 425 kilometr uzunluğunda yerli əhəmiyyətli, 174,9 kilometr uzunluğunda Bakı şəhər yolları daxildir. Bunlardan 606,8 kilometri investisiya vəsaiti hesabına, 121,5 kilometri isə “Avtomobil Yolları” Məqsədli Büdcə vəsaiti hesabına yerinə yetirilib.

“2021-ci il ərzində 10 yeni körpünün (İsmayıllı rayonu ərazisində 4, “Zəfər Yolu üzərində 5, Ağcabədi rayonu ərazisində 1), Bakı şəhərində Qala-Pirallahı avtomobil yolunun 3,6 kilometrində uzunluğu 76,7 metr olan və Ziya Bünyadov prospektində 9 nömrəli Bakı Peşə Liseyinin qarşısında uzunluğu 90 metr olan yeni yerüstü piyada keçidlərinin tikintisi başa çatdırılaraq əhalinin istifadəsinə verilib.