İşsizlikdən sığorta Fondunun dürüstləşdirilmiş büdcəsində gəlir və xərcləri 5 milyon manat artırılaraq 212,7 milyon manatdan 217,7 milyon manata çatdırılması təklif olunur.

AZƏRTAC xəbər verir ki, bu sözləri Milli Məclisin Əmək və sosial siyasət komitəsinin sədri Musa Quliyev parlamentin İqtisadi siyasət, sənaye və sahibkarlıq və Əmək və sosial siyasət komitələrinin iyunun 2-də keçirilən birgə iclasında deyib.

Komitə sədri bildirib ki, büdcə gəlirlərinin 5 milyon manatlıq artımı İşsizlikdən Sığorta Fondunun 2022-ci ilin sonunadək istifadə olunmamış vəsait hesabına təmin ediləcək.