Xarici dövlətlərin xüsusi xidmət orqanları ilə əməkdaşlıq edən İranın Müdafiə Nazirliyinin keçmiş əməkdaşı edam edilib.

AZƏRTAC xəbər verir ki, bu barədə İran Məhkəmə Hakimiyyətinin nümayəndəsi Qulamhüseyn İslami verib. O bildirib ki, Müdafiə Nazirliyinin keçmiş əməkdaşı Rza Əsgəri İranın yeni nəsil raketləri barədə məlumatı xarici dövlətlərin xüsusi xidmət orqanlarına satıb.

Q.İslami bildirib ki, R.Əsgəri uzun müddət nəzarət altında olub və məlumatları satdığı zaman həbs edilib. İstintaq zamanı onun cinayəti tam sübuta yetirilib və məhkəmənin qərarı ilə barəsində çıxarılan ölüm hökmü icra olunub.

Rabil Kətanov

AZƏRTAC-ın xüsusi müxbiri

Tehran