Çox mürəkkəb dövrdə yaşayırıq. Belə bir şəraitdə beynəlxalq səviyyədə uğurla təmsil olunan və 30 illik yubileyini qeyd edən Azərbaycan Həmkarlar İttifaqları Konfederasiyasına (AHİK) fəaliyyətində uğurlar arzulayıram.

AZƏRTAC xəbər verir ki, bunu Pan Avropa Regional Şurasının prezidenti, Gürcüstan Həmkarlar İttifaqları Konfederasiyasının rəhbəri İrakliy Petriaşvili AHİK-in yaranmasının 30 illiyi münasibətilə fevralın 7-də keçirilən tədbirdə söyləyib.

Qonaq bildirib ki, AHİK Vətən müharibəsi və COVID-19 pandemiyası dövründə xalqın yanında oldu, öz dəstəyini əsirgəmədi.

İrakliy Petriaşvili, həmçinin gürcü və Azərbaycan xalqlarının dostluğundan da danışıb.