Türkiyədə zəlzələdən əziyyət çəkmiş qardaşlarımıza dəstək məqsədilə bu gün Göyçay Rayonu İcra Hakimiyyətinin xətti ilə 100 isitmə sobası, 20 generator (3,15 Kv) və yataq dəstlərinin buraya gətirilməsini təmin etmişik.

AZƏRTAC xəbər verir ki, bunu jurnalistlərə açıqlamasında Göyçay Rayonu İcra Hakimiyyəti başçısının birinci müavini İkram Vəliyev söyləyib.

O bildirib ki, könüllü olaraq vətəndaşlarımız tərəfindən də toplanan əşyalar sabah buraya gətirilərək təqdim olunacaq. “Göyçaylılar olaraq hər zaman türk qardaşlarımıza dəstək olacağıq”, - deyə İ.Vəliyev qeyd edib.