Türkiyənin Liviyada mövcudluğu BMT tərəfindən tanınan Milli Keçid Hökumətinin dəvəti ilə həyata keçirilir. Liviyanın ərazi bütövlüyünün qorunması və xalqın rifahı naminə əlimizdən gələni edirik.
×
Türkiyənin Liviyada mövcudluğu BMT tərəfindən tanınan Milli Keçid Hökumətinin dəvəti ilə həyata keçirilir. Liviyanın ərazi bütövlüyünün qorunması və xalqın rifahı naminə əlimizdən gələni edirik.
AZƏRTAC xəbər verir ki, bu fikirləri Milli Müdafiə naziri Hulusi Akar Türkiyə nümayəndə heyətinin Liviyaya səfərinin yekunlarını şərh edərkən deyib. Hər iki ölkənin 500 illik ortaq tarixə və mədəniyyətə sahib olduğunu diqqətə çatdıran nazir vurğulayıb ki, Türkiyənin Liviyadakı fəaliyyəti bundan sonra da davam edəcək.
İki ölkə arasında təhlükəsizlik və hərbi sahədə əməkdaşlığın davam etdiyini vurğulayan Hulusi Akar diqqətə çatdırıb ki, Türkiyə bu ölkədə çoxşaxəli humanitar fəaliyyət həyata keçirir. O cümlədən səhiyyə sahəsində genişmiqyaslı işlər görülür, ərazilər minalardan təmizlənməsi təmin edilir. Bütün bunlar Liviya xalqının təhlükəsizliyi və rifahı üçündür.
Sabir Şahtaxtı
AZƏRTAC-ın xüsusi müxbiri
Ankara