Heydər Əliyev Beynəlxalq Hava Limanında COP29-a hazırlıq çərçivəsində mediatur keçirilib.

AZƏRTAC xəbər verir ki, mediaturda Dövlət Miqrasiya Xidməti, “Azərbaycan Hava Yolları” QSC (AZAL) və “ASAN Visa” nümayəndələri iştirak ediblər.

Media nümayəndələrinə COP29-a hazırlıq çərçivəsində görülən işlər, sərnişinlərin yoxlanış prosesi, pasport nəzarəti, eləcə də konfrans iştirakçıları üçün xüsusi giriş vizalarının terminallar vasitəsilə qeydiyyat prosesi nümayiş etdirilib. Sərnişin buraxılış qabiliyyətini artırmaq məqsədilə yoxlanış məntəqələrinin sayının artırıldığı qeyd olunub.