İl ərzində Sosial Xidmətlər Agentliyi tərəfindən 97 uşağa səyyar sosial reabilitasiya xidməti göstərilib. Hazırda 6 yaşadək olan 34 nəfər səyyar sosial reabilitasiya xidməti ilə təmin edilir.

AZƏRTAC xəbər verir ki, bunu Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyinin İdarə Heyətinin sədri Vüqar Behbudov 2022-ci ilin yekunlarına həsr olunan mətbuat konfransında deyib.

V.Behbudovun sözlərinə görə, hazırda agentliyin müəssisələri üzrə 1693 nəfərə sosial xidmətlər göstərilir. İl ərzində 2668 şəxs həmin xidmətlərdən yararlanıb. Həmin xidmətlərə 18 yaşınadək əlilliyi müəyyən edilmiş şəxslər üçün sosial xidmət müəssisələri, psixonevroloji sosial xidmət müəssisələri, Əlilliyi olan şəxslərin Peşə-əmək Reabilitasiya Mərkəzi, İnsan Alveri Qurbanlarına Yardım mərkəzi və digər müəssisələrdə göstərilən xidmətlər daxildir