Təəssüflər olsun ki, göllər tullantı suları ilə çirklənməyə məruz qalır. Bunun qarşısının alınması məqsədilə laboratoriyalarımızda davamlı olaraq təhlillər aparılır. Hansısa mənfi hal aşkar edildikdə həmin istiqamətdə tədbirlər görülür.

AZƏRTAC xəbər verir ki, bunu Ekologiya və Təbii Sərvətlər Nazirliyi yanında İctimai Şuranın sədri Amin Məmmədov Abşeron göllərinin ekoloji vəziyyəti haqqında keçirilən ictimai dinləmə zamanı deyib.

A.Məmmədov qeyd edib ki, göllərdə suyun tərkibinin dəyişdirilməsi ilə bağlı davamlı olaraq təhlillər aparılır.