Ölkədə gender boşluğu ən çox istehsalat, İKT və maliyyə sahəsində müşahidə olunur.

AZƏRTAC xəbər verir ki, bununla bağlı məlumat Ailə, Qadın və Uşaq Problemləri üzrə Dövlət Komitəsinin Milli Məclisin Ailə, qadın və uşaq məsələləri komitəsinin dekabrın 15-də keçirilən iclasında təqdim olunan illik hesabatında öz əksini tapıb.

Ailə, Qadın və Uşaq Problemləri üzrə Dövlət Komitəsinin apardığı araşdırmaya görə, istehsalat sahəsində qadınların sayı 15 faiz, kişilərin sayı isə 85 faiz təşkil edir. İKT-də bu rəqəm qadınlar üçün 19 faiz, kişilər isə 81 faiz, media və kommunikasiya sahəsində qadınlar 24 faiz, kişilər isə 76 faizdir.

Ölkənin prokurorluq orqanlarında hazırda rütbə nəzərdə tutulan vəzifələrdə çalışan işçilərdən 93 nəfəri qadındır, onlar ümumi prokurorluq işçilərinin 7,3 faizini təşkil edir. Daxili İşlər Nazirliyi orqanlarında xidmət edən əməkdaşların isə 10 faizini və ya 3938 nəfərini qadınlar təşkil edir. Onlardan 72-si rəhbər vəzifələrdə çalışır