Fevralın 24-də Müslüm Maqomayev adına Azərbaycan Dövlət Akademik Filarmoniyasında Xocalı soyqırımının 31 illiyinə həsr olunmuş musiqi axşamı təşkil edilib.
×
Fevralın 24-də Müslüm Maqomayev adına Azərbaycan Dövlət Akademik Filarmoniyasında Xocalı soyqırımının 31 illiyinə həsr olunmuş musiqi axşamı təşkil edilib.
AZƏRTAC xəbər verir ki, anım mərasimində əvvəlcə şəhidlərimizin xatirəsi bir dəqiqəlik sükutla yad olunub.
Daha sonra konsert proqramı təqdim edilib.
Anım gecəsində Mustafa Mehmandarovun dirijorluğu ilə Üzeyir Hacıbəyli adına Azərbaycan Dövlət Simfonik Orkestrı çıxış edib. Orkestrin ifasında Qara Qarayevin “Matəm odası”, Əli Əlizadənin “Serenata dolore”, Soltan Hacıbəyovun “Karvan” simfonik lövhəsi, Rauf Əliyevin “Şuşanın dağları başı dumanlı” simfonik poeması, Aqşin Əlizadənin 4 nömrəli “Muğamvari” simfoniyası (solist-Ayaz Kərimov) və Rauf Əliyevin “Azadlığa gedən yollar” əsərləri dinləyicilərə təqdim olunub.
Konsert proqramında Xalq artisti Gülbacı İmanovanın bədii rəhbərliyi ilə Azərbaycan Dövlət Xor Kapellası çıxış edib.
Tədbir Aqşin Əlizadənin “Azərilər” Kantatasından “Final” əsərlərinin səsləndirilməsi ilə başa çatıb.
