Kənd Təsərrüfatı Nazirliyi tərəfindən Dünya Azərbaycanlılarının Həmrəylik Günü və Yeni il bayramı münasibətilə təşkil olunan “Kənddən şəhərə” yarmarkasında Quba rayonundan gəlmiş fermer Nemət Məmmədov əhaliyə müxtəlif çərəzlər təklif edir.

AZƏRTAC-a müsahibəsində alış-verişdən razı qaldığını bildirən fermer yarmarkaya gətirdiyi məhsulların təzə və ekoloji cəhətdən təmiz olduğunu vurğulayıb.

O həmçinin qeyd edib ki, burada fermerlərin məhsullarının keyfiyyəti yoxlanıldıqdan sonra satışına icazə verilir.

Kənd Təsərrüfatı Nazirliyi tərəfindən təşkil olunan yarmarkalarda daim iştirak etdiyini deyən N.Məmmədov əlavə edib ki, bu zaman fermerlərdən heç bir ödəniş tələb olunmur.

Müsahib fermerlər üçün yaradılmış şəraitə görə dövlətimizə minnətdarlığını ifadə edib.