Avropa İttifaqının maliyyə dəstəyi, BMT-nin Əhali Fondu və BMT-nin Qadınlar Agentliyinin təşkilatçılığı ilə həyata keçirilən “Gender əsaslı zorakılıq və ayrı-seçkiliyə qarşı Debat Forumu” layihəsinin məqsədi yeniyetmə və gənclərin debat metodologiyası vasitəsilə gender əsaslı zorakılıq və ayrı-seçkilik barədə maariflənməsini təmin etmək, natiqlik, özünüifadə, təhlil və araşdırma bacarıqlarını artırmaqla qeyd olunan mövzuların müzakirəsində fəal iştirakına şərait yaratmaqdan ibarət olub.

AZƏRTAC xəbər verir ki, bunu BMT-nin Əhali Fondun Azərbaycandakı nümayəndəliyinin rəhbəri Fərid Babayev dekabrın 13-də layihənin bağlanış mərasimində deyib.

F.Babayev qeyd edib ki, regionda gender bərabərliyi mövzusu vacib məsələdir. Gənclərimizə bu mövzunu aşılamaq lazımdır. Bu problemlər gələcək nəsillərə ötürülməməlidir.