Son 200 ildə Qərbi azərbaycanlıların bütün hüquqları pozulub. Bütün bunlar Rusiyanın Cənubi Qafqazı işğalı, ermənilərin ərazilərimizə köçürülməsi ilə başlayıb.

AZƏRTAC xəbər verir ki, bu fikirləri parlamentdə keçirilən “Dağları aşarkən: Qərbi Azərbaycana dinc və hüquqi qayıdış” mövzusunda keçirilən ictimai dinləmələr zamanı Qərbi Azərbaycan İcmasının İdarə Heyətinin sədri, deputat Əziz Ələkbərli söyləyib.

O bildirib ki, İrəvan ermənilərinə güzəştə gedilməsi və “Ararat respublikası”nın yaradılması böyük tarixi səhv idi.