Son 24 saat ərzində Ermənistanda daha 339 nəfər COVID-19-a yoluxub və bununla da ölkədə koronavirus xəstələrinin sayı 32 min 490-a çatıb.

Ermənistanın Səhiyyə Nazirliyinin məlumatına görə, ölkədə pandemiya qurbanlarının sayı 581 nəfərdir. Onların 8-i son sutka ərzində ölüb.

Ekspertlərin fikrincə, Ermənistanda COVID-19-a yoluxanların və pandemiya qurbanlarının sayı daha çoxdur. Lakin Ermənistan hökuməti xəstələrin və ölüm hallarının sayını qəsdən azaldır. Paşinyan hökuməti ölkə daxilində çaxnaşma yaranacağından ehtiyat edir.

Xətayi Əzizov

AZƏRTAC-ın xüsusi müxbiri

Tbilisi