Energetika sahəsində su ehtiyatlarından istifadədə səmərəlilik artırılacaq.

AZƏRTAC xəbər verir ki, bu barədə Prezident İlham Əliyevin Sərəncamı ilə təsdiq edilən “Su ehtiyatlarından səmərəli istifadənin təmin edilməsinə dair 2020–2022-ci illər üçün Tədbirlər Planı”nda deyilir.

Tədbirlər Planında Energetika Nazirliyi və “Azərenerji” ASC tərəfindən bu ilin avqust–dekabr ayları ərzində istilik elektrik stansiyalarının soyutma sistemlərinin müasirləşdirilməsi, istilik elektrik stansiyalarında soyutma məqsədilə sudan qənaətli istifadənin təmin edilməsi və ölkə üzrə elektrik enerjisi tezliyinin müstəqil tənzimlənməsi ilə bağlı təkliflərin Nazirlər Kabinetinə təqdim edilməsi öz əksini tapıb.