Biz İranın müsəlman dövləti olduğunu zənn edirdik. Lakin onların dini də yalan çıxdı. İslam cümhuriyyəti qurulandan sonra bizə qarşı zülm daha da artdı.

AZƏRTAC xəbər verir ki, bu fikirləri dekabrın 5-də Mətbuat Şurasında keçirilən görüşdə Cənubi (Güney) Azərbaycanın milli fəalı, “GünazTV”nin rəhbəri Əhməd Obalı söyləyib.

“GünazTV”nin rəhbəri qeyd edib ki, farslar özlərinə birinci düşmən kimi türkləri görürlər. Onların siyasəti bu istiqamətdə davam edir. İranlılar, həmçinin ərəblərə qarşı da düşmən münasibət bəsləyirlər.