Onkoloji xəstəliklərin icbari sığortaya daxil edilməsi vacib məsələlərdəndir. Bu xəstəliklərin müalicə prosesi böyük məbləğdə vəsait tələb edir.

Düşünürəm ki, icbari sığortaya, həmçinin stomatologiyanın (kosmetik əməliyyat xaric olmaq şərtilə) bütün müayinə və müalicə növləri daxil edilməlidir.

AZƏRTAC xəbər verir ki, bu fikirləri Milli Məclisin Səhiyyə komitəsinin sədri Əhliman Əmiraslanov komitənin cari il üçün yaz sessıyası çərçivəsində yanvarın 18-də keçirilən ilk iclasında deyib.

Ə.Əmiraslanov hesabat müddətində komitənin 5 iclas keçirdiyini və 6 məsələnin müzakirə edildiyini diqqətə çatdırıb.

Qeyd edək ki, iclasın gündəliyinə 2023-cü il payız sessiyası dövründə Səhiyyə komitəsində görülən işlər barədə hesabat, komitənin 2024-cü ilin yaz sessiyası üçün iş planının layihəsi daxil edilib.