Yeni qanun layihəsi “Əhalinin sağlamlığının qorunması haqqında” Qanunun qüvvədə olan normativ hüquqi aktlara uyğunlaşdırılması məqsədilə hazırlanıb.

AZƏRTAC xəbər verir ki, bu fikirləri Milli Məclisin Səhiyyə komitəsinin sədri Əhliman Əmiraslanov mayın 19-da komitənin gündəliyində müzakirəyə çıxarılan “Əhalinin sağlamlığının qorunması haqqında” Qanuna dəyişikliklərlə bağlı qanun layihəsini təqdim edərkən deyib.

Komitə sədri qanun layihəsinə əsasən vətəndaşların tibbi-sosial yardım almaq hüququnu təsbit edən müvafiq maddəsinə təklif olunan dəyişikliyin dəqiqləşdirmə xarakteri daşıdığını bildirib.