Azərbaycanda pensiya təminatı və digər sahələrdə mühüm addımlar atılır. Bu, ölkədə həyata keçirilən şəffaflaşma istiqamətində həyata keçirilən islahatların nəticəsidir.

AZƏRTAC xəbər verir ki, bu fikirləri əmək və əhalinin sosial müdafiəsi nazirinin müavini Anar Əliyev Milli Məclisin Əmək və sosial siyasət komitəsinin fevralın 3-də keçirilən iclasında söyləyib.

Nazir müavini bildirib ki, sosial sığorta və Dövlət Sosial Müdafiə Fondunun büdcəsinin icrasının yarımillik və illik nəticələrinə görə gəlir və xərclər arasında müsbət qalıq Mərkəzi Bankda saxlanılacaq və risk halları, ehtiyat üçün istifadə olunacaq. Bu vəsaitdən həmçinin əhalinin sosial ödənişlərinə və məşğulluq sahəsinə sərf olunacaq.