Antiinhisar və İstehlak Bazarına Nəzarət Dövlət Xidməti elektron rəqabət portalının hazırlanması üzərində işlər aparır.

AZƏRTAC xəbər verir ki, bu barədə Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli martın 1-də 2021-ci il üzrə fəaliyyətinə dair keçirdiyi mətbuat konfransında deyib.

M.Abbasbəyli deyib: “Ümid edirik ki, bu il elektron rəqabət portalı hazır olacaq. Bu, mərkəzi informasiya bazası deməkdir. Dövlət satınalmalar portalı, keyfiyyət portalı və istehlakçıların hüquqlarının müdafiəsi istiqamətindəki müəyyən elektron tətbiqlər mərkəzi informasiya bazasının subelementləridir. Bütün bunlar elektron rəqabət portalının tərkib hissəsi olacaq”.