Paytaxtın Yasamal rayon Heydər Əliyev Mərkəzində Məmmədovlar ailəsində anadan olan dördəmlərin qeydiyyata alınması və doğum haqqında şəhadətnamələrin təqdim edilməsi mərasimi keçirilib.

AZƏRTAC xəbər verir ki, doğum haqqında şəhadətnamələr üzərində Ulu Öndər Heydər Əliyevin müdrik kəlamları qeyd olunan bukletlərlə birlikdə təqdim olunub.

Ailə övladlarına Ümummilli Lider Heydər Əliyevin xatirəsinə, Azərbaycan Prezidenti İlham Əliyevin, birinci xanım Mehriban Əliyevanın, Türkiyə Prezidenti Rəcəb Tayyib Ərdoğanın şərəfinə Heydər, İlham, Mehriban və Ərdoğan adlarını verib.