Cari hesablar üzərindən aparılan müştəri köçürmələrində internet bankçılığın xüsusi çəkisi 80 faizə çatıb.

AZƏRTAC xəbər verir ki, bu barədə Azərbaycan Mərkəzi Bankının baş direktoru Fərid Osmanov noyabrın 1-də Bakıda keçirilən VII Beynəlxalq Bankçılıq Forumunda deyib.

O bildirib ki, ölkəmizdə token əməliyyatı da geniş istifadə olunur. Belə ki, bu ilin yanvar-sentyabr aylarında token əməliyyatlarının həcmi 2 milyard manata yaxınlaşıb. POS-terminal vasitəsilə həyata keçirilən ödəniş əməliyyatlarının payı 27 faizə çatıb. Bu da o deməkdir ki, artıq insanlar təmassız kart ödənişlərinə üstünlük verirlər.