Dini Liderlərin Qlobal Bakı Sammitinin iştirakçıları noyabrın 4-də Fəxri xiyabanda Ulu Öndər Heydər Əliyevin məzarını ziyarət ediblər.

AZƏRTAC xəbər verir ki, əvvəlcə xalqımızın Ümummilli Lideri Heydər Əliyevin əziz xatirəsi ehtiramla yad edilib, məzarı önünə əklil qoyulub.

Sonra görkəmli oftalmoloq-alim, akademik Zərifə xanım Əliyevanın da xatirəsi yad edilib, məzarı üstünə gül dəstələri düzülüb.

Qeyd edək ki, noyabrın 5-6-da keçiriləcək Dini Liderlərin Qlobal Bakı Sammitində 55 ölkəni və 30 beynəlxalq təşkilatı təmsil edən dövlət, elm və din xadimləri iştirak edəcəklər.