Orqan transplantasiyasının həyata keçirilməsi üçün klinikalarımızın imkanlarının geniş olduğunu deyə bilmərik.

AZƏRTAC xəbər verir ki, bunu Milli Məclisin Səhiyyə komitəsinin sədri Əhliman Əmiraslanov deyib. O bildirib ki, orqan və toxuma transplantasiyasında dünya ölkələri arasında geridə qalırıq: “Lakin sevindirici haldır ki, bununla bağlı xidmətlər də İcbari Tibbi Sığortanın xidmətlər zərfinə daxil edilib. Məni narahat edən məqamlardan biri isə orqan transplantasiyası ilə bağlı daxil edilən xidmətlərin limitli olmasıdır. Bu, başadüşüləndir. Maliyyə və klinikaların imkanları ilə bağlı çətinliklər var. Ümid edirik ki, gələcəkdə bu əməliyyatları həyata keçirən klinikaların sayı artırılacaq, klinikaların əməliyyatları həyata keçirmək üçün imkanları genişləndiriləcək”.