COP29 çərçivəsində noyabrın 21-də “Art4Action” illik beynəlxalq incəsənət seminarı keçirilib.

AZƏRTAC xəbər verir ki, praktiki şəkildə təşkil olunan seminar gəncləri yaradıcılığa həvəsləndirmək, öz düşüncələrini, ideyalarını nümayiş etdirmək məqsədi daşıyıb. Həmçinin seminar BMT-nin Davamlı İnkişaf Məqsədlərinə nail olmağı özündə ehtiva edir. Bu seminarın digər məqsədləri yaradıcılığın və müxtəlif mövqelərin qeyd olunduğu dəstəkləyici mühiti vurğulamaqla hər yaşdan, keçmişdən və bədii bacarıq səviyyələrindən olan iştirakçıları əhatə edib.

İqlim problemləri ilə əlaqədə incəsənəti mərkəzləşdirməklə iştirakçılar dayanıqlı gələcəyi təşviq etmək üçün öz fikir və təxəyyüllərinin gücündən istifadə ediblər. İqlim fəallığına kreativ yanaşmalara ehtiyacı nəzərə alaraq, seminar iştirakçılara transformativ kollaj vasitəsilə incəsənət və iqlim ədalətinin kəsişməsini araşdırmaq imkanı verib. İştirakçılar iqlim dəyişmələri ilə bağlı öz perspektivlərini əks etdirən və fəaliyyətə sövq edən cəlbedici vizual hekayələr yaratmaq üçün müxtəlif materiallardan istifadə ediblər.

Seminarda kollajın tarixən necə mühüm siyasi sənət forması kimi çıxış etdiyi vurğulanıb, incəsənətin dəyişiklik vasitəsi kimi əhəmiyyəti müzakirə olunub. İştirakçılar müxtəlif sosial ədalət hərəkatlarından yaranan sənət əsərlərini, xüsusilə də onların cari iqlim fəaliyyətinə uyğunluğuna diqqət yetiriblər.