Azərbaycanda Beynəlxalq Xeyriyyə Yarmarkası ilk dəfədir keçirilir. Bu da mədəni müxtəlifliyi təbliğ edir. Bu yarmarka bizə müxtəlif ölkələrin ənənələri barədə məlumat almaq fürsəti verir. Həmçinin Azərbaycandakı diplomatik nümayəndəliklərə imkan verir ki, onlar öz mədəniyyətlərinin spesifik cəhətlərini nümayiş etdirsinlər.

AZƏRTAC xəbər verir ki, bu fikirləri Bakıda keçirilən Beynəlxalq Xeyriyyə Yarmarkasının açılış mərasimdə xarici işlər naziri Ceyhun Bayramov söyləyib.

Nazir bildirib ki, Beynəlxalq Xeyriyyə Yarmarkasından yığılan vəsait UNICEF-in Azərbaycandakı ofisinin vasitəsilə əlilliyi olan uşaqların həyat şəraitinin yaxşılaşdırılmasına sərf olunacaq.