Bu il 56 min 700 nəfərin əlilliyi təyin olunub.

AZƏRTAC xəbər verir ki, bunu Əmək və Əhalinin Sosial Müdafiəsi Nazirliyi tabeliyində Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Anar Bayramov 2022-ci ilin yekunlarına həsr olunan mətbuat konfransında deyib.

A.Bayramovun sözlərinə görə, onlardan 19 min 500-dən çoxu ilkin, 37 mindən çoxu isə təkrar əlillik təyinatıdır: "Təyin olunan əlilliyin 6.3 faizi birinci qrupa, 48 faizi ikinci qrupa, 30 faizi üçüncü qrupa aiddir. Əlillik təyin olunanların 15 faizi uşaqlardır".