Xəzər dənizi bərpa olunan enerji mənbələrinə əsaslanan istehsala keçidə və istifadə intensivliyi az olan karbohidrogenlərin mövcudluğuna görə fərqlənir və həqiqətən yaxşı mövqedədir.
×
Xəzər dənizi bərpa olunan enerji mənbələrinə əsaslanan istehsala keçidə və istifadə intensivliyi az olan karbohidrogenlərin mövcudluğuna görə fərqlənir və həqiqətən yaxşı mövqedədir.
AZƏRTAC xəbər verir ki, ki, bu sözləri BP şirkətinin nümayəndəsi Christopher Mair Xəzər Texniki Konfransı və Sərgisində (SPE Caspian Technical Conference and Exhibition) deyib.
O bildirib ki, neft və qazı Türkiyə, Avropa və dünya bazarlarına çatdıran fenomenal ixrac infrastrukturu artıq mövcuddur.
“Gələcəkdə daha ucuz karbohidrogenlər üçün kanal ola biləcək infrastruktur mövcuddur və bu infrastrukturdan istifadə edilə bilər. Abşeron yarımadasının şelfində külək enerjisinin sıxlığına nəzər saldıqda görürük ki, bu, hər kvadratmetrə təxminən 9 min kilovat-saat təşkil edir. Bu da ümumiyyətlə Şimal dənizinin cənubu, Avropa və hətta ABŞ-ın şərq sahilləri ilə müqayisə oluna bilər. Günəş enerjisi baxımından burada günəş radiasiyasının sıxlığı hər kvadratmetrə təxminən 1500-2000 kilovat-saat təşkil edir ki, bu da Türkiyənin və İspaniyanın şimalında müşahidə ediləndən fərqlənmir. Hazırda irimiqyaslı günəş enerjisi layihələrinə investisiyalar yatırılır. Hesab edirəm ki, Xəzər regionunun, xüsusən də Azərbaycanın bərpa olunan enerji mənbələrindən istifadə etməklə karbohidrogenlərin, eləcə də aşağı intensivliyi olan karbohidrogenlərin – neft və qaz boru kəməri vasitəsilə tədarükünü davam etdirmək üçün hər cür imkan var. Azərbaycan bu sahədə xüsusi rol oynayır”, - deyə o əlavə edib.
Onun sözlərinə görə, mövcud karbohidrogen hasilatı infrastrukturunun elektrikləşdirilməsi mühüm əhəmiyyət kəsb edir: “Həmçinin texnologiyalardan düzgün istifadə edilməsi xərclərin azaldılmasına gətirib çıxara bilər. Ona görə bu məsələyə xüsusi diqqət yetirmək lazımdır”.