Biz 2024-cü ilədək qlobal miqyasda vətəndaşsızlıq hallarına son qoymağı vəd etmişik.

AZƏRTAC xəbər verir ki, bunu Birləşmiş Millətlər Təşkilatının Qaçqınlar üzrə Ali Komissarlığının Azərbaycandakı nümayəndəsi Bik Lum deyib. O xatırladıb ki, BMT-nin Qaçqınlar üzrə Ali Komissarlığının 2014-cü ilin noyabrında başladığı "IBelong" kampaniyası zamanı mühüm nəticələr əldə olunub və həmin dövrdə onlar 2024-cü ilədək qlobal miqyasda vətəndaşsızlıq hallarına son qoymağı vəd ediblər: "Bu, iddialı bir arzudur, çünki bir çox səbəblərdən vətəndaşsızlığı olan şəxslərin sayı artmaqda davam edir. Buna baxmayaraq, vətəndaşsızlıq problemi diqqətimizdədir və sözsüz ki, tunelin sonunda işıq var".