Beynəlxalq Türk Akademiyasının prezidenti Darxan Kıdırəlinin rəhbərlik etdiyi nümayəndə heyəti noyabrın 18-də Fəxri xiyabana gələrək xalqımızın ümummilli lideri, müasir müstəqil dövlətimizin memarı və qurucusu Heydər Əliyevin xatirəsini yad edib, məzarı önünə gül qoyub.
×
Beynəlxalq Türk Akademiyasının prezidenti Darxan Kıdırəlinin rəhbərlik etdiyi nümayəndə heyəti noyabrın 18-də Fəxri xiyabana gələrək xalqımızın ümummilli lideri, müasir müstəqil dövlətimizin memarı və qurucusu Heydər Əliyevin xatirəsini yad edib, məzarı önünə gül qoyub.
AZƏRTAC xəbər verir ki, sonra Şəhidlər xiyabanına gedən qonaqlar ölkəmizin azadlığı və suverenliyi uğrunda mübarizədə canlarından keçmiş qəhrəman Vətən övladlarının xatirəsini yad edib, 1918-ci ildə Bakının bolşevik-erməni daşnak qoşunlarından azad edilməsi uğrunda döyüşlərdə həlak olmuş qəhrəman türk əsgərlərinin adları həkk olunmuş Şəhidlik kitabəsinin üzərinə qərənfillər düzüblər.
Beynəlxalq Türk Akademiyasının prezidenti Darxan Kıdırəli bildirib ki, Azərbaycanın yanında olduqlarını göstərmək üçün Fəxri xiyabanı və Şəhidlər xiyabanını ziyarət ediblər. Çünki Şuşa, Qarabağ tək Azərbaycanın deyil bütövlükdə türk dünyasının ürəyidir.
Azərbaycanın bu savaşda tarixi bir qələbə əldə etdiyini deyən Beynəlxalq Türk Akademiyasının prezidenti xalqımızı təbrik edib.