Noyabrın 25-də Ailə, Qadın və Uşaq Problemləri üzrə Dövlət Komitəsinin (AQUPDK) təşkilatçılığı ilə “Qadınlara və Qızlara Qarşı Gender əsaslı Zorakılıqla Mübarizə üzrə 16 Günlük Fəallıq Kampaniyası” Media müstəvisində adlı tədbir keçirilir.

AZƏRTAC xəbər verir ki, tədbirdə dövlət qurumlarının, qeyri-hökumət təşkilatlarının nümayəndələri, media qurumlarının təmsilçiləri, tanınmış jurnalistlər, blogerlər iştirakı edirlər.

Tədbirin keçirilməsində məqsəd ənənəvi və rəqəmsal medianı qadınlara və qızlara qarşı gender əsaslı zorakılıqla mübarizə işinə cəlb etmək, o cümlədən onların dəstəyi ilə hər kəsə çağırış etməkdir.

Qeyd edək ki, “Qadınlara və Qızlara Qarşı Gender əsaslı Zorakılıqla Mübarizə üzrə 16 Günlük Fəallıq Kampaniyası” hər il noyabrın 25-də keçirilir. Beynəlxalq kampaniya 25 Noyabr Qadınlara qarşı Zorakılıqla Beynəlxalq Mübarizə Günü və 10 Dekabr Beynəlxalq İnsan Hüquqları Günü tarixləri arasında keçirilir. Bütün dünyada fərdi şəxslər və təşkilatlar “16 günlük kampaniya” kimi geniş şəkildə tanınan bu tədbir vasitəsilə hər kəsi qadınlara və qızlara qarşı zorakılığın qarşısını almağa və aradan qaldırmağa çağırır.