Mayın 20-də Azərbaycan Qiymətləndiricilər Cəmiyyətinin (AQC) növbəti hesabat-seçki konfransı keçirilib.

AZƏRTAC xəbər verir ki, tədbirdən əvvəl cəmiyyətin kollektivi Fəxri xiyabanda ümummilli lider Heydər Əliyevin məzarını ziyarət ediblər.

Konfransın gündəliyinə sədr və Nəzarət Təftiş Komissiyasının (NTK) hesabatının dinlənilməsi, təşkilatın yeni sədrinin, idarə heyətinin və NTK üzvlərinin seçilməsi, Milli Məclisdə müzakirəyə çıxarılması gözlənilən “Qiymətləndirmə fəaliyyəti haqqında Azərbaycan Respublikasının qanun” layihəsinin və bir sıra cari məsələlərin müzakirəsi daxil edilib. Qırxa yaxın qiymətləndirici şirkətin nümayəndələrinin iştirak etdiyi konfransa müxtəlif dövlət təşkilatlarından, deputatlardan və qeyri-hökumət təşkilatlarından qonaqlar dəvət olunub.