Dekabrın 15-də Elm və Təhsil Nazirliyi və Dini Qurumlarla İş üzrə Dövlət Komitəsinin birgə təşkilatçılığı ilə Bakıda “Dini düşüncə mədəniyyəti: pedaqoji perspektivlər” mövzusunda konfrans keçirilir .

AZƏRTAC xəbər verir ki, tədbirdə Elm və Təhsil Nazirliyinin və Dövlət Komitəsinin rəhbərliyi, Milli Məclisin deputatları, Azərbaycan İlahiyyat İnstitutunun məsul şəxsləri, tanınmış mütəxəssislər, paytaxt məktəblərində fəaliyyət göstərən psixoloqlar və müəllimlər iştirak edirlər.

Konfrans Azərbaycanın Dövlət Himninin səslənməsi ilə başlayıb.

Konfrans çərçivəsində yeniyetmə və gənclərin dini düşüncə mədəniyyətinin formalaşdırılmasında məktəb, ailə və cəmiyyətin rolunu, sağlam dini biliklərin tədrisində pedaqoji yanaşmaların əhəmiyyətini, müxtəlif ideoloji təsirlərin qarşısının alınmasında sistemli maarifləndirmənin vacibliyi diqqətə çatdırılıb.