Martın 10-da Bakı Limanının və Barselona Limanının Təlim mərkəzləri arasında anlaşma memorandumu imzalanıb.

AZƏRTAC xəbər verir ki, memorandumu “Bakı Beynəlxalq Dəniz Ticarət Limanı” QSC-nin Təlim Mərkəzinin rəhbəri Orxan Adıgözəlov və Avropa İntermodal Nəqliyyat Məktəbinin direktoru Eduard Rodes imzalayıb.

Memorandumun məqsədi Bakı Limanının Təlim Mərkəzinin regional və logistika üzrə təlim mərkəzinə çevrilməsi istiqamətində institusional inkişaf strategiyasının həyata keçirilməsidir. Hər iki limanın təlim mərkəzi birgə sinergiya yaradaraq praktiki iş təcrübəsi və müasir bazarın çağırışlarına uyğun kadr potensialının yaradılmasına mühüm töhfə verəcək.