Bakı Limanının və Barselona Limanının Təlim mərkəzləri arasında anlaşma memorandumu imzalanacaq.

AZƏRTAC xəbər verir ki, bu barədə "Bakı Beynəlxalq Dəniz Ticarət Limanı" QSC-nin baş direktoru Taleh Ziyadov “Yaşıl Limanlar və liman işinin idarəedilməsində yeni üsullar” layihəsinin bağlanış mərasimində deyib.

O bildirib ki, memorandumun məqsədi Bakı Limanının Təlim Mərkəzinin regional və logistika üzrə təlim mərkəzinə çevrilməsi istiqamətində institusional inkişaf strategiyasının həyata keçirilməsidir. Hər iki limanın təlim mərkəzi birgə sinergiya yaradaraq praktiki iş təcrübəsi və müasir bazarın çağırışlarına uyğun kadr potensialının yaradılmasına mühüm töhfə verəcək.