İndiyədək Azərbaycan məhsulları 42 beynəlxalq sərgidə "Made in Azerbaijan" vahid ölkə stendi ilə nümayiş olunub.

AZƏRTAC xəbər verir ki, bu barədə AZPROMO-nun rəhbəri Yusif Abdullayev fevralın 28-də ötən ilin yekunları və bu il qarşıda duran vəzifələrə həsr olunmuş mətbuat konfransında deyib.

O bildirib ki, ötən il müxtəlif xarici ölkələrdə təşkil edilmiş sərgilərdə fərdi qaydada iştiraka dair sahibkarların müraciətlərinə əsasən ixracatçılara 177 min manatdan çox dəstək məbləği ödənilib.