8 Noyabr – Zəfər Günü münasibətilə Azərbaycan Dövlət İnformasiya Agentliyinin (AZƏRTAC) əməkdaşları Fəxri xiyabanı, Şəhidlər xiyabanını və şəhid jurnalist Məhərrəm İbrahimovun məzarını ziyarət ediblər.
×
8 Noyabr – Zəfər Günü münasibətilə Azərbaycan Dövlət İnformasiya Agentliyinin (AZƏRTAC) əməkdaşları Fəxri xiyabanı, Şəhidlər xiyabanını və şəhid jurnalist Məhərrəm İbrahimovun məzarını ziyarət ediblər.
AZƏRTAC-ın kollektivi əvvəlcə Fəxri xiyabana gələrək xalqımızın Ümummilli Lideri, müasir müstəqil Azərbaycanın memarı və qurucusu Heydər Əliyevin xatirəsini ehtiramla yad edib, məzarı önünə gül dəstələri qoyublar.
Görkəmli oftalmoloq-alim, akademik Zərifə xanım Əliyevanın da xatirəsi ehtiramla anılıb, məzarı üzərinə tər güllər düzülüb.
Agentliyin əməkdaşları görkəmli dövlət xadimi Əziz Əliyevin və tanınmış həkim, alim Tamerlan Əliyevin məzarları üstünə də gül dəstələri qoyublar.
Sonra AZƏRTAC-ın əməkdaşları İkinci Şəhidlər xiyabanını ziyarət edərək, ölkəmizin ərazi bütövlüyü uğrunda mübarizədə qəhrəmancasına döyüşərək canlarından keçmiş əsgər və zabitlərimizin əziz xatirəsini dərin ehtiramla anıblar.
Agentliyin kollektivi, həmçinin şəhid jurnalist Məhərrəm İbrahimovun Müşfiqabad qəsəbə qəbiristanlığındakı məzarını ziyarət edib, önünə əklil qoyub, gül dəstələri düzüb.
