Mərkəzi Asiyada həyata keçirilən layihələrdə qardaş Qazaxıstanın yanındayıq. Azərbaycan və Qazaxıstan bir-birinə dəstək verir.

AZƏRTAC xəbər verir ki, bunu Beynəlxalq Münasibətlərin Təhlili Mərkəzinin (BMTM) İdarə Heyətinin sədri Fərid Şəfiyev söyləyib.

O bildirib: “Dövlətimiz və xalqımız Qazaxıstanın müxtəlif qurumları tərəfindən ölkəmizə göstərilən dəstəyi yüksək qiymətləndirir. Hər iki ölkənin böyük enerji potensialı var. Şübhəsiz ki, ölkələrimizin bu sahədə əməkdaşlığı da dünyanın iqtisadi xəritəsində böyük əhəmiyyətə malikdir. Bu səbəbdən də Azərbaycan-Qazaxıstan münasibətlərinin inkişaf etdirilməsi, eyni zamanda, yerləşdiyimiz regionların inkişafında öz sözünü deyir".