"2018-2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı" üzrə ödənişlərin nəzərə çarpacaq dərəcədə artmasına nail olmuşuq.

AZƏRTAC xəbər verir ki, bu sözləri Azərbaycan Mərkəzi Bankının icraçı direktoru Fərid Osmanov deyib.

O bildirib ki, ödəniş kartlarının sayı 44 faiz çoxalaraq 10,1 milyona, təmassız kartların sayı isə 5,5 dəfə artaraq 4,6 milyona çatıb. Bazarda təmassız kart sayının dinamik artımı dəmir yollarında da təmassız ödənişlərin cəld və səmərəli tətbiqini sürətləndirəcək.