Azərbaycanda daha iki medal təsis olunacaq.

AZƏRTAC xəbər verir ki, parlamentin dekabrın 20-də keçirilən iclasının gündəliyinə bununla bağlı qanun layihəsi daxil edilib.

Qanun layihəsinə əsasən, “Azərbaycan Respublikasının orden və medallarının təsis edilməsi haqqında” Qanuna iki yeni medalın – “Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin 10 illiyi (2012-2022)” yubiley medalının və “ASAN xidmət” ilə səmərəli əməkdaşlığa görə” medalının əlavə edilməsi nəzərdə tutulub.

Qanun layihəsində həmin medalların Əsasnamələri təsdiq edilir və bu medalların təsviri və elementləri əks olunur.

Qanun layihəsi üçüncü oxunuşda səsə qoyularaq təsdiqlənib.