İkinci Azərbaycan Beynəlxalq Hematologiya Mütəxəssisləri Konqresində iştirakdan məmnunam. Türk Hematoloji Dərnəyi olaraq bölgədəki ölkələrlə yaxın münasibət quraraq qarşılıqlı öyrənmək, təcrübələri paylaşmaq, gənc hematoloqları yetişdirmək sahəsində böyük hədəflərimiz var.
×
İkinci Azərbaycan Beynəlxalq Hematologiya Mütəxəssisləri Konqresində iştirakdan məmnunam. Türk Hematoloji Dərnəyi olaraq bölgədəki ölkələrlə yaxın münasibət quraraq qarşılıqlı öyrənmək, təcrübələri paylaşmaq, gənc hematoloqları yetişdirmək sahəsində böyük hədəflərimiz var. Bu baxımdan Azərbaycan bizim üçün çox önəmlidir. Bu gün Azərbaycan Hematologiya Mütəxəssisləri İctimai Birliyi ilə Türk Hematoloji Dərnəyi arasında ikili təhsil və elmi araşdırmaya dair anlaşma sənədi imzalanacaq. Beləliklə iki ölkənin hematoloqları ortaq təhsil, ölkənin hematoloji təhsil standartlarının inkişaf etdirilməsinə çalışacaqlar. Bundan sonra da fərqli layihə və tədbirlərdə əməkdaşlıq edəcəyimizə inanıram.
AZƏRTAC xəbər verir ki, bunu Türk Hematoloji Dərnəyinin rəhbəri professor Muhlis Cem Ar jurnalistlərə müsahibəsində deyib.
"Türkiyə hematologiya sahəsində çox inkişaf etmiş bir ölkədir. Türkiyədə hər cür yeni müayinə və müalicəyə rast gəlmək mümkündür. Mövcud sığorta sistemimiz və səhiyyə qanunvericiliyimiz bizə bu imkanı yaradır. İmkanlar daxilində mütəxəssislərimizi də yetişdirə bilirik. Bu məsələdə bölgədəki ölkələrə həm örnək vermək istəyirik, həm də onların təcrübələrindən yararlanaraq bölgənin təhsil standartını yüksəltməyə çalışırıq. Bugünkü anlaşma da buna töhfə verəcək”, - deyə M.Cem Ar bildirib