Azərbaycan regionda yaşıllaşdırma tədbirlərinə görə liderdir.

AZƏRTAC xəbər verir ki, bunu ekologiya və təbii sərvətlər nazirinin müavini Umayra Tağıyeva qlobal iqlim dəyişmələri mövzusunda keçirilən dəyirmi masada deyib.

"Azərbaycan iqlim dəyişmələri ilə mübarizəyə öz töhfəsini müxtəlif tədbirlərlə verir. Bunlardan biri də yaşıllaşdırma aksiyalarıdır. Təkcə ötən il ölkəmizdə 2 milyona yaxın ağac əkilib. Sevindiricidir ki, burada bütün cəmiyyət nümayəndələri iştirak edir", - deyə U.Tağıyeva bildirib.