Sosial Tədqiqatlar Mərkəzi dövri olaraq Azərbaycan Prezidenti İlham Əliyevin fərqli istiqamətlərdə fəaliyyəti ilə bağlı ictimai rəyi öyrənir.
×
Sosial Tədqiqatlar Mərkəzi dövri olaraq Azərbaycan Prezidenti İlham Əliyevin fərqli istiqamətlərdə fəaliyyəti ilə bağlı ictimai rəyi öyrənir. Sayca səkkizinci inam indeksi bu ilin may-avqust aylarını təşkil edir. Sözügedən dövr ərzində Azərbaycanın kifayət qədər zəngin fəaliyyəti olub və Prezident İlham Əliyevin müxtəlif istiqamətlərdə fəaliyyətinə ictimai münasibəti öyrənmək məqsədilə sorğu keçirilib.
AZƏRTAC xəbər verir ki, bunu Sosial Tədqiqatlar Mərkəzinin STM İdarə Heyətinin sədr müavini Elşad Mirbəşiroğlu Azərbaycan Prezidentinin reytinqinin əks etdirən inam indeksi jurnalının təqdimatında söyləyib.
O qeyd edib ki, Azərbaycan Prezidenti İlham Əliyevə, Birinci vitse-prezident Mehriban Əliyeva ictimai etibar və etimadın öyrənilməsi üçün ümumi sual ünvanlanıb və rəyi soruşulanların 95,3 faizi Azərbaycan Prezidentinə etibar etdiyini bildirib. Birinci vitse-prezident Mehriban Əliyevaya münasibətdə rəyi soruşulanların 90,7 faizi müsbət mövqe bildirib. Yəni, onlar Birinci vitse-prezidentə etibar etdiklərini söyləyiblər.
"Hakimiyyətin müxtəlif qollarının fəaliyyətinə də ictimai münasibət tərəfimizdən öyrənilib. Sorğuların nəticəsi onu göstərir ki, hakimiyyətin hər üç qolunun fəaliyyətinə münasibətdə respondentlərin rəyi oxşarlıq təşkil edir”, - deyə Elşad Mirbəşiroğlu qeyd edib