Türkiyədə baş vermiş zəlzələ ilə əlaqədar bu gün Ağdaş Rayon İcra Hakimiyyətinin xətti ilə humanitar yardım gətirilib. Bu yardıma 40 generator, 120 qızdırıcı soba, 150 yorğan, 150 döşək, 150 ədyal, 150 balış və külli miqdarda isti geyim daxildir. Bu humanitar yardımlar bundan sonra da davam etdiriləcək.

AZƏRTAC xəbər verir ki, bunu jurnalistlərə açıqlamasında Ağdaş Rayon İcra Hakimiyyəti başçısının şəhər inzibati ərazi üzrə nümayəndəsi Azər Paşayev söyləyib.

A.Paşayev deyib: “Ağdaş sakinləri bu gün iki yük avtomobilindən çox əşya toplayıblar. Yüklərin sabah çatdırılması gözlənilir. Bütün xalqımız kimi, biz ağdaşlılar da hər zaman qardaş Türkiyənin yanındayıq və həmişə onlara kömək etməyə hazırıq”.