Yəhudilərin sürgünlərdən sonra məskunlaşdığı yerlər arasında Azərbaycan da var. Bu da ölkəmizin bütün millətlər, dinlərin nümayəndələri üçün təhlükəsiz ölkə olmasını göstərir.

AZƏRTAC xəbər verir ki, bu sözləri "Şimali və Şərqi Qafqaz yəhudilərinin irsi və mədəniyyəti" mövzusunda keçirilən beynəlxalq-elmi konfransda Azərbaycan İlahiyyat İnstitutunun rektoru Aqil Şirinov söyləyib.

O bildirib ki, Azərbaycan İlahiyyat İnstitutunda yəhudi dini ilə bağlı dərslər də keçirilir. Yəhudi icması ilə də yaxın münasibətlərimiz var. Biz bunu akademik səviyyədə də inkişaf etdirmək istəyirik.